Turmystyq zorlyq-zombylyq profılaktıkasy qarqyndy júrip jatyr
ASTANA. 3 aqpan. QazAqparat - QR Іshki ister mınıstrliginiń jáne Qazaqstandaǵy «Daǵdarys ortalyqtarynyń odaǵy» Zańdy tulǵalar uıymynyń bastamasy boıynsha Astana qalasy Іshki saıasat basqarmasynyń qoldaýymen ótken jylǵy jeltoqsannan bastap,
turmystyq zorlyq-zombylyqqa ushyraǵandarǵa telefon arqyly konsýltatsııa júrgizý jumysy uıymdastyryldy. Bul týraly ІІM Ákimshilik polıtsııa komıteti habarlap otyr.
Jedel, psıhologııalyq, zańdy kómek kórsetýdi uıymdastyrý úshin qysqa, tez este saqtalatyn tórt sandy 1415 telefon nómiri belgilendi. Turmystyq zorlyq-zombylyqqa ushyraǵandarǵa arnalǵan senim telefon jelisi Astana qalasy ІІD-niń № 5 polıtsııa bólimshesinde Muńaıtpasov kóshesi 6-úıde ornalasqan.
Osy merzim ishinde senim telefony qyzmetine birqatar telefon qońyraýlary kelip tústi, olar boıynsha daǵdarys ortalyqtarynyń eki zańgeri men psıhology jedel psıhologııalyq konsýltatsııa júrgizdi jáne klıentti ómirdiń qıyn jaǵdaıynan shyǵarý boıynsha is-áreket jospary ázirlendi.
