Turmystyq zorlyq-zombylyq: Mańǵystaýda 167 otbasy polıtsııa esebinde tur
Mańǵystaý oblysy polıtsııa departamentiniń bastyǵy Janarbek Baqtybaevtyń málimetinshe, otbasyndaǵy zorlyq-zombylyq oqıǵalary erli-zaıyptylar arasynda jıi kezdesedi.
Turmystyq kıkiljiń saldarynan zeınetkerler de zardap shegedi.
«Kóbine otbasyndaǵy turmystyq zorlyq-zombylyq qurbandary dene jaraqatyn alady. Moraldyq zııan shegeddi. Búginde aýmaqtyq ishki ister organdarynda 167 otbasy esepte tur. Osy jyldyń 11 aıynda 2 441 qorǵaý uıǵarymy shyǵaryldy. Polıtsııa qyzmetkerleri mundaı otbasylardyń jaǵdaıyn qalypqa keltirip, zańsyz áreketterdiń qaıtalanýyna jol bermes úshin únemi qadaǵalap otyrady. Ásirese, otbasy jaǵdaıyndaǵy quqyq buzý faktileriniń aldyn alý, turmys salasyndaǵy qylmysty boldyrmas úshin profılaktıkalyq sharalar kóptep uıymdastyrylady», -dedi ol.
Mańǵystaýda polıtsııa departamentiniń áıelder quqyǵyn zorlyq-zombylyqtan qorǵaý bólimshesi jumys isteıdi.
Sondaı-aq, 35-shaǵynaýdanda ornalasqan «Raı» áleýmettik shuǵyl kómek ortalyǵyna júginýge bolady.