Turmystyq zorlyq-zombylyq kórgenderdiń 63 paıyzy aryz jazýdan bas tartady

NUR-SULTAN. QazAqparat – Іshki ister organdarynda jemqorlyqpen kúres jónindegi komıssııa qurylmaq. Bul týraly QR Іshki ister mınıstrligi baspasóz qyzmetiniń ókili Shuǵyla Turlybek málim etti, dep habarlaıdy QazAqparat tilshisi.

«Birinshi negizgi talqylaý taqyryby otbasy-turmystyq qatynastar jáne áıelder men balalarǵa zorlyq-zombylyq kórsetý salasyndaǵy quqyq buzýshylyqtardyń aldyn alý jáne qylmystyq jaýapkershilikke tartý boldy. Turmystyq zorlyq-zombylyq qazirgi qoǵamnyń ózekti máseleleriniń biri», - dedi mınıstrlik ókili.

Onyń málimetinshe, jyl basynan beri polıtsııaǵa turmystyq zorlyq-zombylyqqa qatysty 68 myńnan astam habar kelip túsken.

Alaıda, turmystyq zorlyq-zombylyq qurbandarynyń 63 paıyzy jábirleýshisine aryz jazýdan bas tartady.

Kezdesý barysynda taraptar bul máseleni sheshý joldaryn talqylap, turmystyq zorlyq-zombylyq salasyndaǵy jaýapkershilikti kúsheıtý máselelerin qarastyrdy.

«Jıynda qaralǵan ekinshi mańyzdy másele – zamanaýı tehnologııalardyń kómegimen jol qaýipsizdigin qamtamasyz etý. Jyl basynan beri elimizdiń joldarynda 5 myńnan astam jol-kólik oqıǵasy bolyp, 744 adam qaza tapty, 6909 adam jaraqat alǵan. Qonaqtarǵa Іshki ister mınıstrliginiń taldaý ortalyǵynyń múmkindikteri kórsetildi. Úshinshi másele – jemqorlyqpen kúres jónindegi komıssııa qurý. Kezdesýge qatysýshylar óz pikir-usynystaryn jetkizdi», - dedi ol.