Turmystyq zorlyq-zombylyq kóbinese otbasylyq janjaldan bastalady – ІІM

NUR-SULTAN. QazAqparat – QR ІІM Ákimshilik polıtsııa komıteti tóraǵasynyń orynbasary Alekseı Mılıýk azamattarǵa arnalǵan psıhologııalyq qyzmet jelisin jetildirý kerektigin aıtty, dep habarlaıdy QazAqparat tilshisi.

«Elimizde psıhologııalyq qyzmet jelisin jetildire túsý kerektigine mán bergimiz keledi. Eger adam qıyn jaǵdaıǵa tap bolsa, ol qaıda habarlasyp, kimnen kómek suraryn bilmeıdi. Osyǵan oraı bul máseleni baqylaýda ustaý kerek. Problemany ýaqytyly anyqtap, sheshimin tapqan abzal», - dedi Alekseı Mılıýk Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, turmystyq zorlyq-zombylyq qylmysy boıynsha ótken jyldyń 1-shi toqsanymen salystyrǵanda bıyl ózgeris joq.

«Turmystyq zorlyq-zombylyq otbasylyq janjaldan bastalady. Onyń birneshe sebebi bar. Áleýmettik jaǵdaıdyń tómendigi, otbasy tabysynyń azdyǵy, jumyssyzdyq, ishimdik ishý taǵy sol sııaqty», - deıdi ol.

Buǵan deıin atalǵan vedomstvodan elimizde turmystyq zorlyq-zombylyqqa ushyraıtyndardyń 54 paıyzy názik jandar, al qalǵany erler ekeni aıtyldy.