Turmystyq úı ǵımaratyndaǵy órt sóndirildi, úsh adam qutqarylyp, 9 adam kóshirildi - Astananyń Tótenshe jaǵdaılar departamenti
ASTANA. Qańtardyń 10-y. QazAqparat /Qanat Qulshymanov/ - Elordalyq Turmystyq úı ǵımaratynda bolǵan órt oshaǵy sóndirildi, úsh adam qutqaryldy jáne toǵyz adam kóshirildi.
Bul týraly Astana qalasy Tótenshe jaǵdaılar departamentiniń órt sóndirý qyzmeti bastyǵynyń orynbasary podpolkovnık Rýslan Elshibaev málim etti.
Astanadaǵy Turmystyq úı ǵımaratynda órt shyqqanyn QazAqparat budan buryn habarlaǵan bolatyn. Oqıǵa ornyna kelgen órt sóndirýshiler órttiń birinshi qabattan shyqqanyn anyqtady. Rýslan Elshibaevtyń aıtýynsha, órt shyqqan jaıdyń ıesi ázirge anyqtalǵan joq. Jalyn tili 30 sharshy metr aýmaqty sharpyǵan.
«Qazirgi tańda órt sóndirilip boldy», - deıdi R.Elshibaev.
