Turmystyq tehnıka tasymaldap kele jatqan júk kóligi tolyqtaı janyp ketti

ÓSKEMEN. QazAqparat – Shyǵys Qazaqstan oblysy Altaı aýdanynda turmystyq tehnıka tasymaldap kele jatqan júk kóligi tolyqtaı janyp ketti, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, oqıǵa 14 jeltoqsanda saǵat 23.00 shamasynda bolǵan.

«Gazel» júk kóligi «Altaı-Katonqaraǵaı» tasjolynda, naqty aıtqanda Altaı aýdany Sredıgornoe aýylyna 3 shaqyrymdaı jerde kele jatqanda kenet órt shyqty.

«Belgili bolǵandaı, qysqa tuıyqtalýdyń saldarynan kapot astyndaǵy janǵysh bólshekter órtengen. Tilsiz jaý lezde kólik salonyna jaıyldy. Oqıǵa ornyna órt sóndirýshiler kelip jetkenshe kólik pen oǵan tıelgen turmystyq tehnıka tolyqtaı janyp ketken», - delingen aqparatta.

Abyroı bolǵanda, júrgizýshi zardap shekken joq.