Turmystyq saladaǵy quqyq buzýshylyqty aryzsyz anyqtaý engiziledi - ІІM

ASTANA. QazAqparat – Turmystyq saladaǵy quqyq buzýshylyqty aryzsyz anyqtaý engiziledi. Bul týraly Úkimet otyrysynda QR Іshki ister mınıstri Marat Ahmetjanov aıtty, dep habarlaıdy QazAqparat tilshisi.

«Otbasylyq jáne zorlyq-zombylyq úshin jaýapkershilikti qatańdatý boıynsha zańnamalyq túzetýler engizilýde. Turmystyq saladaǵy buzýshylyqtardy aryzsyz anyqtaý engiziledi. Qazirgi tańda atalǵan túzetýler múddeli memlekettik organdarmen kelisildi. Prezıdent Ákimshiligine qaraýǵa engizildi», - dedi mınıstr.

Onyń atap ótýinshe, ınternet jáne telefon alaıaqtyqtaryna qarsy is-qımyl jónindegi is-sharalardyń tıimdiligin arttyrý maqsatynda, salalyq baǵdarlama bekitildi.

«Aýyspaly abonenttik nómirlerden qońyraýlardy buǵattaý tetikteri pysyqtalýda. 5,5 mln osyndaı qońyraýlar buǵattaldy. Azamattardyń alaıaqtarǵa qarsy saýattylyǵyn arttyrý maqsatynda aqparattyq túsindirý jumystary júrgizilýde», - dedi Marat Ahmetjanov.