Turmystyq qaldyqty suryptaý úshin túsindirý jumystaryn júrgizý kerek – Sergeı ıÝrcha
NUR-SULTAN. QazAqparat – Turmystyq qaldyqty suryptaý úshin túsindirý jumystaryn júrgizý kerek. Bul týraly elordada «Qazaqstannyń qaldyqtardy qaıta óńdeý strategııasy» taqyrybynda ótken Frantsııa Qazaqstan saýda-ónerkásip palatasynyń forýmynda «Operator ÓKM» bas dırektory Sergeı ıÝrcha málim etti, dep habarlaıdy QazAqparat tilshisi.
«ÓKM – «óndirýshilerdiń keńeıtilgen mindettemeleri» degendi bildiredi. Biz taýardardy kólik quraldary men kólik quraldarynyń jeke komponetteri jáne úı sharýasyndaǵy qaptamalar, elektrlik elektrondy qurylǵylar dep ekige bólemiz», - deıdi «Operator ÓKM» bas dırektory Sergeı ıÝrcha.
Ol úıdegi turmystyq qaldyqtar konteınerge suryptalmaǵan kúıde salynatynyn aıtty.
«Úıdegi turmystyq qaldyqtardy qoqys konteınerine aralasqan kúıde tastaıdy. Sol aralasqan kúıi polıgonǵa nemese suryptaý jelisine jetkiziledi. Sondaı-aq, biz qaldyqtardy bólek-bólek jınaý boıynsha da jumys isteımiz. Byltyr elimizde qaldyqtardy bólek-bólek salýǵa arnalǵan 9 myńnan astam konteıner qoıyldy. Bıyl bul konteınerler úsh ese az qoıyldy jáne jyl sońyna deıin turmystyq qaldyqtardy qabyldaıtyn 17 oryn bar. Turmystyq qatty qaldyqtardy suryptaý bastamasy júzege asýy úshin bul týraly adamdarǵa aıtyp, sony ishinde mektepterdi aralap, oqýshylarǵa turmystyq qatty qaldyqtar jınalyp qalǵan kezde ne bolatyny týraly túsindirip, praktıka júzinde kórsetýimiz kerek», - deıdi Sergeı ıÝrcha.
Aıta ketsek, ÓKM strategııalyq maqsaty – paıdalaný tıimdiligin arttyrý jáne jańartylmaıtyn tabıǵı resýrstardyń tutynylýyn azaıtý arqyly turaqty óndiristik-tutyný júıeleriniń damýy.
Eske sala ketsek, jıynda Frantsııa-Qazaqstan saýda-ónerkásip palatasynyń prezıdenti Jerar Frıes kásiporyndar qaldyqtarynyń quramynda ýly zattar joq ekendigin dáleldeýi kerek degen pikir aıtty.
