Turmystyq qaldyqtardy jınaý jáne qaıta óńdeýge jeke sektordy tartý qajet - Úkimet otyrysy
ASTANA. QazAqparat - Turmystyq qaldyqtardy jınaý jáne qaıta óńdeýge jeke sektordy tartý qajet. Bul týraly búgin Úkimet otyrysynda Turmystyq qatty qaldyqtardy basqarý júıesin jańǵyrtý baǵdarlamasyn tanystyrǵan QR Qorshaǵan orta jáne sý resýrstary mınıstri Nurlan Qapparov málim etti.
«Baǵdarlamany júzege asyrý barysyndaǵy basty róldi memlekettiń alýy qajet ekendigi sózsiz. Degenmen, onyń jemisti júzege asýy úshin jeke sektordy da tartý qajet. Qaldyqtardy jınaý jáne qaıta óńdeýge jeke sektordy tartý boıynsha álemdik statıstıka saraptamasy onyń qatysý úlesiniń zor ekendigin kórsetip otyr», - dedi ol.
Mınıstrdiń aıtýynsha, jeke sektor memlekettik qurylymdarǵa qaraǵanda barynsha tıimdi ekendigin kórsetken. Memlekettik-jeke seriktestik tetikterin paıdalaný jeke sektordy atalǵan qyzmet salasyna tartýǵa, memlekettik jáne jeke ınvestıtsııa arasyndaǵy úılestirý tetikterin jetildirý ári uıymdastyrý qurylymdaryn reformalaýǵa múmkindik beredi.
