Turmysty arttyrý jobasyna barlyq aýyl qatysady – Asqar Myrzahmetov

TARAZ. QazAqparat – Jambyl oblysy turǵyndarynyń turmystyq tabysyn jaqsartý maqsatynda on aýyldyq okrýgte qolǵa alynǵan jobanyń pılottyq kezeńi qyzý júzege asýda. Kelesi jyly óńirdegi barlyq eldi mekendi qamtý josparlanǵan. Bul týraly búgin oblys ákimi, «Nur Otan» partııasy fılıalynyń tóraǵasy Asqar Myrzahmetov Baızaq aýdanynda azamattardy jeke qabyldaý barysynda aıtty, dep habarlaıdy QazAqparat tilshisi.

Búginde Jambyl oblysy turǵyndarynyń turmystyq tabysyn jaqsartý jobasy jalpy óńir halqynyń arasynda keń qoldaýǵa ıe bolýda. Іlki jobaǵa engen on aýyldyq okrýgten bólek basqa da eldi mekenderdiń turǵyndary ıgi bastamaǵa qyzyǵýshylyq tanytyp, ol boıynsha jumys jasaýǵa joǵary nıetterin bildirýde.

Partııanyń aýdandyq fılıalynyń ǵımaratynda ótken qabyldaýǵa aýdannyń bes turǵyny qatysyp, kókeılerindegi ózekti saýaldaryn joldap, oramdy oı-pikirelerin ortaǵa saldy. Aıtalyq, Túımekent jáne Qyzyl juldyz aýyldyq okrýginiń turǵyndary Jomart Muhambetjanov pen Asylbek Ómirzaqov aýyldyqtardyń ál-aýqatyn arttyrýǵa baǵyttalǵan jobanyń mańyzdylyǵyna kóńil bólip, óz okrýgteriniń jobaǵa qashan enetinin surap, aýyldastary da joba aıasynda ter tógip, turmysyn tikteýge asyq ekenin jetkizdi. Túımekenttik Jomart Muhambetjanov aýyldastarynyń mal sharýashylyǵyna beıim, úı irgesindegi jerlerdi tıimdi ıgerip, eki aınalymda ónim alýǵa daıyn ekendigin aıtyp, tek qoldaý bolsa degen nıetin bildirdi. Al, qyzyljuldyzdyq Jomart Muhambetjanov óz okrýginde kooperatıv quryp, tıisti jumystardy bastap ketkenin aıtty.

Asqar Myrzahmetov jobanyń búginde pılottyq rejımi júzege asyp jatqanyń atap ótip, tıisti qarajat qarasha aıynyń basynda túsetinin tilge tıek etti. On aýyldyq okrýgtegi pılottyq joba óz nátıjesin berse, keler jyly óńirdegi barlyq eldi meken túgeldeı qamtylatynyna nazar aýdartty. Sondaı-aq, óńir basshysy jaýapty tulǵalarǵa barlyq aýyldyq okrýgterdiń jobaǵa daıyndyǵyn barlap, pysyqtaýdy búginnen bastaýdy, ol úshin jumys josparyn ázirleýdi tapsyrdy.

Qoǵamdyq qabyldaýǵa jazylǵan ózge de tulǵalar túrli áleýmettik máselelerdi kóterdi. Sarykemer aýylynyń turǵyny, zeınetker Qydyráli Oralov turǵyn úı salý úshin jer kezeginde turǵandardyń ótinishin bildirip, jer telimderin berý máselesin sheship berýdi surady.

Aýyldyń Bas josparyna sáıkes eldi meken shegin keńeıtý maqsatynda 217,33 ga jer telimi engizilgen. Aımaq basshysy ol jerdiń qunynyń tym qymbat eekendigine kóńil bólip, ońtaılandyrý kerektigin aıtty. Sondaı-aq, ol jerdiń sýarmaly alqap ekenin eskerý qajettigin jetkizip, Baızaq aýdanynda halyqtyń tyǵyzdyǵyna nazar aýdartyp, jer ýchaskelerin ózge aýdandardyń bos aýmaqtarynan berýdiń mańyzdylyǵyna toqtaldy.

Qabyldaýda baızaqtyqtar aýyzsý, gaz tartý máselelerin de kóterip, naqty jaýaptar aldy. Aıta keteıik, oblys ákiminiń azamattardy jeke máseleleri boıynsha qabyldaýy aldaǵy ýaqytta basqa da aýdandarda jalǵasady.