Turmystyq zombylyqqa qarsy kúrestiń jańa sharalaryn qarastyratyn zań jobasy ázirlenip jatyr
Turmystyq zorlyq-zombylyqqa qarsy kúrestiń jańa ári tıimdi sharalaryn qarastyratyn zań jobasy ázirlenip jatyr. Bul jaıynda Memleket basshysy Qasym-Jomart Toqaev aıtty, dep habarlaıdy Kazinform.
Suhbat barysynda Prezıdent basylym basshysynyń qoǵamda zorlyq-zombylyq pen qatygezdik beleń alyp bara jatqanyna qatysty saýalyna jaýap berdi.
«Mundaı qylmystardyń aldyn alyp, jolyn kesý úshin meniń tapsyrmammen naqty sharalar qabyldanýda. Áıelder men balalarǵa jasalǵan zorlyq-zombylyqqa qatysty qylmystardy tergeýmen áıel tergeýshiler aınalysatyn boldy. Sondaı-aq ishki ister organdarynda áıelderdi zorlyq-zombylyqtan qorǵaýmen shuǵyldanatyn mamandardyń shtaty qalpyna keltirilip, olardyń quzyreti kúsheıtildi. Biz munymen shektelgen joqpyz. Byltyr otbasyndaǵy turmystyq quqyq buzýshylyqpen kúres tásilderin qaıta qaradyq», — dedi Prezıdent Egemen Qazaqstan gazetine bergen suhbatynda.
Memleket basshysynyń atap ótýinshe, ótken jylǵy 1 shildeden bastap polıtsııa jábirlenýshiniń shaǵymyn emes, qylmystyń anyqtalýyn negizge alyp, qylmystyq isti tirkeýge kóshti. ıAǵnı mundaı qylmystarǵa qatysty is qozǵaý úshin zorlyq-zombylyqtan japa shekken adamnyń aryzy qajet emes.
«Turmystyq zorlyq-zombylyq jasaǵandarǵa ákimshilik jáne qylmystyq jaýapkershilik edáýir kúsheıtildi. Jábirlenýshi qaıta-qaıta qysymǵa ushyramaýy úshin budan bylaı mundaı iske qatysty taraptarǵa ekinshi ret tatýlasý múmkindigi berilmeıtin boldy. Sondaı-aq Májilistiń bir top depýtaty halyqqa Joldaýymnyń aıasynda turmystyq zorlyq-zombylyqqa qarsy kúrestiń jańa ári tıimdi sharalaryn qarastyratyn zań jobasyn ázirlep jatyr», — dedi Qasym-Jomart Toqaev.
