Turmystyq zorlyq-zombylyq týraly zań qoǵamnyń mentalıtetin ózgertedi – Erkin Tuqymov
Bul - kádimgi zańdardyń biri emes, uzaq merzimdi perspektıvada bizdiń qoǵamdy ózgertetin erekshe zańdardyń biri dep sanaımyn. Qoǵam men bılik daıyn bolmasa, mundaı zań qabyldanbaıtyn edi. Bizdiń qoǵamnyń oıy qazir pisip jetildi jáne bılik tarapynan qoǵamdy estip, el úshin mańyzdy zańdardy qabyldaıtyn qozǵalys bar, – dedi Erkin Tuqymov.
Sarapshynyń aıtýynsha, bul másele týraly aıtqanda, turmystyq zorlyq-zombylyq úshin jazany aýyrlatý ǵana emes, sonymen birge bizdiń qundylyqtarymyzdyń ózgerýin kórýge bolady. Qundylyqtar eski, dástúrliden modern, ıaǵnı jańa zaman talabyna, ınklıýzıv qoǵamǵa qaraı ózgerip jatyr.
Sondaı-aq, Erkin Tuqymov zorlyqty bir zańmen sheshý múmkin emesin atap ótti. Aldaǵy ýaqytta bilim, jańa qundylyqtar engizýden bastap, kezeń-kezeńimen jumysty jalǵastyrý kerek.
Sarapshy AQSh-ta qabyldanyp, is júzinde oryndalmaǵan zańdardy mysal retinde keltirdi. Sondyqtan búgingi zań bilimdi qoǵam qalyptastyrýǵa yqpal etýi kerek dep aıtty.
AQSh-ta kezinde osyndaı birneshe zań qabyldandy, biraq ol jasyryn dıskrımınatsııany joıa almady. Eshkimdi ashyq kemsitpeıdi, biraq adamdy tipti elemeısiń de: jumysqa almaıdy, zańda kórsetilgen jazadan qutylý úshin túrli jol tabatyn. ıAǵnı is júzinde zań oryndalmaı, kemsitýdi qoldaýǵa jumys istedi deýge bolady. Sondyqtan bizdegi zań jańa bilimdi ortany qurýǵa yqpal etedi dep úmittenemin. Sebebi bilim modernge qaraı qozǵalystyń negizi bolady. Alǵashqy qadamy jasaldy, endi bul zań bilim berýge, qundylyqtarymyzdy qazirgi qoǵamǵa beıimdeýge úlken mýltıplıkatıv áser etedi, – dedi QSZI dırektory.
Erkin Tuqymov Prezıdent Toqaev jańa reformalardy kezeń-kezeńimen júrgizip jatqanyn atap ótti. Aldymen saıası ózgerister, keıin ekonomıkalyq jáne qoǵamdyq reformalar bolyp jatyr, dep atap ótti sarapshy.