Turmystyq zorlyq-zombylyq kórgen áıelderge psıhologııalyq qoldaý aýadaı qajet
ASTANA. KAZINFORM – Qazirgi qoǵamda adamdardyń psıhologııalyq saýlyǵy mańyzdy oryn alady. Turmystyq zorlyq-zombylyq – álem boıynsha keń taralǵan áleýmettik másele.
Bul qubylys áıelderdiń fızıkalyq,emotsıonaldyq, psıhologııalyq jáne ekonomıkalyq ál-aýqatyna keri áser etedi. Mundaı jaǵdaıǵa tap bolǵan áıelderge jan-jaqty kómek kórsetý, onyń ishinde psıhologııalyq qoldaý kórsetý – olardyń jańa ómir bastaýyna kómektesýdiń basty joly.
Búgingi qoǵamda turmysta zorlyq-zombylyq kórgen áıelder jeterlik. Otbasyndaǵy zorlyq-zombylyq, kúıeýiniń ishimdikke salynyp áıeline qol jumsaýy, júris júrýi sekildi máseleler óte jıi kezdesedi.
Mańǵystaý oblystyq ishki saıasat basqarmasynyń tapsyrysymen byltyr turmystyq zorlyq-zombylyqtyń aldyn alý, turmystyq zorlyq-zombylyq kórgen áıelderdi psıhologııalyq qoldaý maqsatynda «Salaýatty ómir saltyn qalyptastyrý mamandarynyń Assotsıatsııasy» jobasy negizinde Aqtaý qalasynda klýb quryldy.
Psıhologııalyq qoldaý klýbynyń maqsaty - áıelderge kómek kórsetý, emotsııalyq turaqtylyqty qalyptastyrý jáne ómirlik qıyndyqtardy jeńýge kómektesý. Klýbqa habarlasqan árbir áıelmen psıholog mamandar júıeli túrde jáne aılap jumys istedi. Zorlyq-zombylyq kórgen áıelder whatsapp, telegramm jelilerine habarlasyp, jeke keńeske kún belgilep, psıholog mamannyń jeke qabyldaýynda bolyp, ózderiniń qıyndyqtarymen bólisip, daǵdarystan shyǵýǵa baǵyt -baǵdar, keńes aldy.
Klýbqa 20-45 jas aralyǵyndaǵy áıelder habarlasyp, psıhologııalyq bilimin damytyp, stresti basqarý, ózin-ózi baǵalaý ádisteri arqyly psıhologııalyq jaılylyqty arttyrdy.
Psıhologııalyq qoldaý alańy – adamnyń ishki álemin túsinýge, ózin-ózi qabyldaýǵa jáne psıhologııalyq tepe-teńdikti saqtaýǵa baǵyttalǵan mańyzdy alań. Munda ár adam qoldaý taýyp, psıhologııalyq ál-aýqatyn jaqsarta alady.
Qorytyndylaı kele, turmystyq zorlyq-zombylyq – tek otbasy ishindegi másele emes, ol búkil qoǵamnyń nazar aýdarýyn qajet etetin ózekti problema.
Sondyqtan,mektepter men joǵary oqý oryndarynda otbasylyq zorlyq-zombylyqtyń aldyn alý boıynsha bilim berý baǵdarlamalaryn engizý, yntaly adamdar men qoǵamdyq uıymdardyń qoldaý jelisin qurý mańyzdy.