Turmystyq zorlyq-zombylyq: Aqtóbede polıtsııaǵa 4 700-den astam ótinish tústi
AQTÓBE. KAZINFORM — Áıelder polıtsııadan bir emes, birneshe ret kómek suraǵan. Barlyǵy 3 900-den astam ákimshilik hattama toltyryldy.
Aqtóbe oblystyq PD baspasóz qyzmetiniń habarlaýynsha, jyl basynan beri quqyq qorǵaý organdaryna 4 700-den astam ótinish túsken. Bári de otbasylyq-turmystyq janjaldarǵa qatysty shaǵym. Onyń ishinde 187 jaǵdaıda áıelder polıtsııadan birneshe ret kómek suraǵan.
— Jyl basynan beri 3 900-den astam azamatqa qatysty qorǵaý nusqamalary shyǵarylǵan. Ýchaskelik polıtsııa ınspektorlary olarmen jeke profılaktıkalyq jumys júrgizip, belgilengen talaptardyń saqtalýyn baqylaýda ustaıdy. Qajet bolǵan jaǵdaıda zańda kózdelgen qosymsha shekteýler qoldanylady. Bıyl 9 aıa Qazaqstan Ákimshilik quqyq buzýshylyq týraly kodeksiniń 73-baby boıynsha 3 817 hattama toltyryldy, — dedi Aqtóbe oblystyq PD baspasóz qyzmeti.
Ákimshilik quqyq buzýshylyq týraly kodeksiniń 73-baby boıynsha eskertý berilip, 20 saǵat jumysqa tartylady nemese 5-10 táýlikke qamalady. Buzýshylyq qaıtalansa 5 AEK kóleminde aıyppul salynady.
Eske salsaq, Aqtóbe oblysynda byltyr turmystyq zorlyq-zorbylyqqa qatysty 137, bıyl 121 qylmystyq is tirkeldi.
