Turmystyq kredıttiń eń joǵary jyldyq mólsherlemesi 40%-ke túsýi múmkin

ASTANA. KAZINFORM — Ulttyq bank tóraǵasy Tımýr Súleımenov Májilistiń jalpy otyrysynda tutyný nesıesin arzandatý baǵytyndaǵy jumystar jalǵasatynyn málim etti.

— Qarjy naryǵyn retteý jáne damytý agenttigimen birlesip, tutynýshylyq kredıtter boıynsha shekti jyldyq tıimdi syıaqy mólsherlemesi 56%-ten 46%-ke deıin tómendettik. Endi ony 40%-ke deıin odan ári tómendetý qajettiligi qosymsha qarastyrylyp jatyr, — dedi ol.

Ulttyq bank basshysy 2026 jyldyń 1 sáýirinen bastap bankter jeke tulǵalardyń portfeli esebinen 2% mólsherinde qosymsha býfer jasaýǵa mindetteletinin aıtty.

— Ol 460 mlrd teńgeden astam somany quraıdy. Osylaısha, bankterdiń bólshek nesıe portfelin kúrt ulǵaıtýǵa degen yntasy azaıady. Bul basqa sharalarmen birge bankterdi korporatıvtik segmentti neǵurlym kóbirek nesıeleýge yntalandyrady, — dedi Tımýr Súleımenov.

Aıta keteıik, búgin Májilistiń jalpy otyrysynda 2026-2028 jyldarǵa arnalǵan respýblıkalyq bıýdjet jobasyn qabyldandy.