Turmystyq qaldyqtan jasalǵan týyndylar: Astanada erekshe ekokórme ashyldy
ASTANA. KAZINFORM – Elordadaǵy ÓzgeEpic kreatıv habynda Jalpyulttyq «Taza Qazaqstan» ekologııalyq aktsııasy aıasynda sýretshi-músinshi Qanat Ábdınniń «Jańa beıne» atty kórmesi ashyldy. Kórmedegi barlyq týyndy turmystyq qaldyqtardan – karton, paket, plastık jáne qurǵaq butaqtardan jasalǵany týraly Astana ákimdiginiń resmı saıty habarlady.
Uıymdastyrýshylardyń aıtýynsha, mundaı jobalar ekologııalyq máselelerdi nasıhattap qana qoımaı, otandyq óner keńistiginde jańa baǵyttardyń damýyna yqpal etedi.
Kreatıv habtyń negizin qalaýshy Toǵjan Qurmanjanovanyń sózinshe, Qazaqstanda músinshilerdiń sany az, al turmystyq qaldyqtardan óner týyndylaryn jasaý jańa baǵyt sanalady. Bul jumystar ekologııaǵa degen kózqarasty ózgertip, tipti balalardyń qyzyǵýshylyǵyn arttyrady.
Kórmeniń negizgi ıdeıasy – shamadan tys tutynýdyń qorshaǵan ortaǵa tıgizetin teris áserin kórsetý. Qanat Ábdınniń týyndylarynda turmystyq qaldyqtar jańa beıneler men gıbrıdterge aınalǵan.
Avtordyń pikirinshe, bul týyndylar bolashaqta sanasyz adam beınesin bildiredi. Eger tabıǵı resýrstardy paıdalaný men qorshaǵan ortany lastaýdy jalǵastyrsaq, qoqys adam denesin sańyraýqulaq tárizdi jaryp shyǵýy múmkin.
Kórmedegi barlyq músin áıel beınesinde jasalyp, árqaısysyna jeke esim berilgen. Bul áıel tabıǵatyna tán náziktik, ásemdik jáne tylsym qasıetterdi kórsetý maqsatynda jasalǵan. Músinshi osy erekshe pishinder arqyly kórermenniń ekologııalyq sanasyn oıatyp, orynsyz tutynýdyń saldaryn túsindirýdi kózdeıdi.
Budan buryn elordada Qazaqstan halqynyń mádenıetine arnalǵan kórme uıymdastyrylǵanyn jazǵanbyz.
