Turmysqa shyqqan qyzdyń tegin aýystyrýǵa bola ma — QMDB jaýap berdi

ASTANA. KAZINFORM – Turmysqa shyqqan áıel óz ákesiniń atymen atalýy tıis, dep habarlaıdy QMDB Sharıǵat jáne pátýa bóliminiń baspasóz qyzmeti.

неке
Фото: Азаматтарға арналған үкімет мемлекеттік корпорациясынан Алматы филиалынан

«Asyrandy balalaryńdy óz ákeleriniń atymen atańdar. Allanyń quzyrynda eń durysy sol», — dep buıyrdy.

Osy aıatty alǵa tartyp keıbir ǵalymdar turmysqa shyqqan qyzǵa kúıeýiniń tegine ótýge tyıym salady. Al keıbir ǵalymdar áıeldiń kúıeýiniń famılııasyna ótý ǵurypta qalyptasqan ári elge tanytý maqsaty bolsa oqasy joq deıdi. Óıtkeni Quranda: «Nuhtyń áıeli jáne Luttyń áıeli» dep áıelderdi kúıeýiniń atymen tanytyp tur.

Ábý Saǵıd ál-Hýdrıden (Alla oǵan razy bolsyn) rıýaıat etilgen hadıste: «Másǵýdulynyń áıeli Zeınep (Alla oǵan razy bolsyn) Alla elshisine (oǵan Allanyń salaýaty men sálemi bolsyn) kelip (kirýge) ruqsat suraıdy. «Ýa Allanyń Elshisi! Zeınep kirýge ruqsat surap tur!» — degende, ol: «Qaısy Zeınep?» — dep suraıdy. «Másǵýdulynyń áıeli», — dep jaýap beredi. Ol: «Kirsin» deıdi. Sonda oǵan kirýge ruqsat beredi».

Sondyqtan turmysqa shyqqan áıel óz ákesiniń atymen atalýy tıis. Ony ózgertý — haram. Al kúıeýiniń tegine aýysýynyń oqasy joq, biraq mindetti emes. Kúıeýi de ony óz tegin alýǵa májbúrleýi durys emes, — dep málim etti Sharıǵat jáne pátýa bólimi.

Osyǵan deıin QMDB energetıkalyq sýsyn halal ma degen saýalǵa qatysty pátýa shyǵarǵanyn jazdyq.

Сейчас читают