Turmysy tómen azamattar medıtsınalyq saqtandyrýmen bıýdjet esebinen qamtylady – Premer
ASTANA. KAZINFORM — Keler jyly turmysy tómen azamattar bıýdjet eebinen medıtsınalyq saqtandyrý júıesimen qamtylady. Bul týraly Úkimet otyrysynda Premer-mınıstr Oljas Bektenov aıtty.
- Memleket basshysynyń tapsyrmasy boıynsha mindetti áleýmettik medıtsınalyq saqtandyrý júıesin jańǵyrtý qolǵa alyndy. Tıisti jumys júrip jatyr. Ol medıtsınalyq kómektiń qoljetimdiligi men sapasyn arttyrýǵa múmkindik beredi. Sondaı-aq bıyl shilde aıynda mindetti áleýmettik medıtsınalyq saqtandyrý júıesin jetildirýge baǵyttalǵan zań qabyldandy. Ol medıtsınalyq kómektiń biryńǵaı paketine jáne saqtandyrý modeline kezeń-kezeńmen kóshýdi qamtamasyz etedi, - dedi Úkimet basshysy.
Onyń atap ótýinshe, zań kórsetiletin qyzmetterdiń aıasyn keńeıtip, sapasyn arttyrýmen qatar búkil densaýlyq saqtaý salasynyń uzaq merzimdi qarjylyq ornyqtylyǵyna oń áserin tıgizedi.
- Bizdiń basty maqsatymyz – ashyq, ádiletti jáne eń bastysy, barlyq azamattar úshin qoljetimdi densaýlyq saqtaý júıesin qalyptastyrý. 2026 jyldan bastap turmysy tómen azamattar jergilikti bıýdjetter esebinen medıtsınalyq saqtandyrý júıesimen qosymsha qamtylatyn bolady. Osyndaı aýqymdy ózgeristerdi birlesip júzege asyrýǵa kúsh jumyldyrý kerek, - dedi Oljas Bektenov.
Aıta keteıik, 2026 jyly elektrondy densaýlyq pasporttary azamattarǵa tolyqqandy qoljetimdi bolady.