Túrmeni robottar baqylamaq
ASTANA. 10 mamyr. QazAqparat - Ońtústik Koreıanyń túrmelerin robottar baqylaıtyn boldy. Jergilikti ǵalymdar Robo-Guard esimdi «kúzetshilerdi» alǵashqy synaqtan ótkizip jatyr.
«RosBıznesKonsaltıng» portalynyń habarlaýynsha, qultemirler túzeý mekemeleri aýmaǵyn kúzetý úshin jasalǵan. Olar sottalǵandardyń qashý jáne ózine-ózi qol jumsaý áreketterin der kezinde baıqap, kúzet qyzmetine habar bere alady. Robo-Guard robottary 3D-kameramen, arnaıy baǵdarlamalarmen jabdyqtalǵan. Robot kompıýtermen jáne iPad-pen basqarylady.
Budan bylaı túrme baqylaýshylaryna beınebaqylaý qondyrǵylaryn teksermeı-aq qoıýǵa bolady.
