Túrmelerge esirtki men dinı ádebıetterdi ótkizý faktileri anyqtaldy - Bas prokýratýra
Bas prokýratýranyń resmı ókili Oksana Loskýtovanyń aıtýynsha, túrmelerge zańsyz zattardy ótkizý áreketteri tyıylar emes. Mekeme qyzmekterleri de atalǵan zań buzýshylyqtarǵa jıi atsalysyp jatady.
"2017 jyly 503 uıaly telefon men bir keliden astam esirtki zattary tárkilendi. Tyıym salynǵan zattardy kóp jaǵdaıda mekeme qyzmetkerleriniń ózderi kirgizip jatady. Máselen, prokýrorlar Tarazdaǵy mekemeniń rejımdik bólim bastyǵynyń orynbasarynyń esirtki jetkizý áreketin áshkereledi. Oral men Aqmola oblysynyń Arshaly aýdanynda kolonııa qyzmetkerleri 9 uıaly telefon ótkizbek bolǵan. Atyraýda 2018 jyldyń 19 naýryzynda jáne 3 sáýirinde "Eńbek-Atyraý" respýblıkalyq kásiporyn qyzmetkerleriniń eki ret mekeme aýmaǵyna tyıym salynǵan zattardy alyp ótpekshi bolǵan. Olardan 33 uıaly telefon, Wi-Fi modem, esirtki jáne dinı ádebıetter tárkilendi. Atalǵan faktiler boıynsha sotqa deıingi tergeý júrgizilip jatyr", - dedi O.Loskýtova Astanada ótken baspasóz máslıxatynda.
Prokýratýra qyzmetkerleriniń aıtýynsha, qazirgi kezde dinı ádebıetterge saraptama jasalyp jatyr. Sonyń nátıjesi boıynsha ataǵan kitaptardyń mazmuny anyqtalady.
