Túrmelerge beınebaqylaý engizýdi bastaımyz – mınıstr
NUR-SULTAN. QazAqparat – Túrmelerge beıne baqylaý engizý bastalady. Bul týraly Іshki ister mınıstri Erlan Turǵymbaev málim etti, dep habarlaıdy QazAqparat tilshisi.
«Túrmeler men ǵımarattarǵa beıne baqylaý engizýdi bastaımyz. Qazir biz olardyń sanyn jáne tehnıkalyq jaǵdaıyn esepteýge kiristik», - dedi mınıstr Úkimet otyrysynda.
Budan bólek E. Turǵymbaev sybaılas jemqorlyq boıynsha Іshki ister mınıstrligi qabyldap jatqan sharalar týraly aıtty. Agenttik jáne azamattyq qoǵam ınstıtýttarymen birlesip, úshjaqty jospar jasaldy. Jalpy, sońǵy 3 jylda sybaılas jemqorlyq qylmystar sany 33 paıyzǵa qysqardy.
«Mınıstrlik Memleket basshysynyń Qazaqstan halqyna Joldaýynda berilgen tapsyrmalaryn oryndaý boıynsha barlyq qajetti sharalardy qabyldaıdy», - dedi mınıstr.
