Túrmelerde uıaly baılanysqa baqylaý kúsheıtilmek
ASTANA. KAZINFORM – Tsıfrlyq damý, ınnovatsııalar jáne aeroǵarysh ónerkásibi mınıstrligi 2018 jylǵy abonenttik uıaly baılanys qurylǵysyn tirkeý qaǵıdalaryna qatysty buıryqqa túzetýler engizdi.
Qujat jazasyn ótep jatqan azamattardyń uıaly telefondy paıdalanýyn baqylaýǵa baǵyttalǵan.
- Jobanyń negizgi erejeleri sottalǵandardyń baılanys quraldaryn zańsyz paıdalanýyna jol bermeý úshin qosymsha baqylaý sharasyn, shekteý men jaýapkershilikti belgileýge baǵyttalǵan, - dep túsindirilgen.
Qujatty ázirleýshiler jańa norma túrmede qylmys jasaý táýekelin tómendetýge, tyıym salynǵan zattardyń taralý arnalaryna tosqaýyl qoıýǵa jáne qoǵamdyq qaýipsizdik deńgeıin arttyrýy tıis degen uıǵarymǵa kelip otyr.
Qujat jobasy 2025 jylǵy 11 qyrkúıekke deıin kópshilik talqylaýyna shyǵaryldy.
Buǵan deıin túrmeden shyqqandarǵa qandaı kómek kórsetiletini týraly jazǵan edik.
Aıta keteıik, Densaýlyq saqtaý mınıstrligi sottalǵandardy jazadan bosatýǵa negiz bolatyn aýrýlar tizimin jańartty.