Túrmeler ornalasqan jerlerde uıaly baılanystyń taralymyn shekteý qajet - ІІM
ASTANA. 31 mamyr. QazAqparat - Uıaly baılanys operatorlaryn túrmeler ornalasqan jerlerdi uıaly baılanystyń taralý aımaǵynan alyp tastaýdy zańmen mindetteý qajet.
Bul týraly búgin «Nur Otan» HDP-niń Jemqorlyqpen kúres jónindegi respýblıkalyq qoǵamdyq keńestiń otyrysynda QR ІІM Qylmystyq-atqarý júıesi komıteti tóraǵasynyń mindetin atqarýshy Janat Keshýbaev málim etti.
Onyń aıtýynsha, qazirgi ýaqytta qylmystyq-atqarý júıesiniń jabyq úlgidegi mekemeleriniń 77-sinde uıaly baılanysty tunshyqtyratyn arnaıy qural-jabdyqtar ornatylǵan. Bul sottalýshylar arasynda uıaly telefondardy qoldaný faktilerin 50 paıyzǵa deıin qysqartýǵa múmkindik berdi. Alaıda bul tıimsiz ári úlken qarajatty talap etedi.
«Máselen, 32 mekemede uıaly baılanys 85-ten 100 paıyzǵa deıin, 40 mekemede 80 paıyzǵa deıin tunshyqtyrylady. Osyǵan oraı, eldegi barlyq uıaly baılanys operatorlaryn QAJ mekemeleri ornalasqan jerlerdi uıaly baılanystyń taralý aımaǵynan shyǵaryp tastaýdy zańdyq túrde mindetteý - atalmysh máseleni sheshýdiń yqpaldy sharasy dep esepteımiz. Uıaly baılanysty tunshyqtyratyn qurylǵylardy satyp alý jáne 3G, 4G júıeleriniń qarqyndy damýyna baılanysty olardy árdaıym jańartyp otyrý - edáýir tıimsiz ári qyrýar qarajattardy talap etedi», - degen ol, QAJ mekemelerinde uıaly baılanysty shekteýdiń mańyzdylyǵyn eskerip, Úkimet birqatar memlekettik organdarǵa tıisti tapsyrmalar júktegendigin de atap ótti.
