Túrmege kirgen mashınanyń esigine 20 lıtr ishimdik pen telefon jasyrylǵan bolyp shyqty - ShQO
ÓSKEMEN. QazAqparat - Shyǵys Qazaqstan oblysynda sottalǵandarǵa tyıym salynǵan zatty kirgizý áreketi toqtatyldy, dep habarlaıdy QazAqparat ShQO boıynsha yqlystyq atqarý júıesi departamentiniń baspasóz qyzmetine silteme jasap.
Avtokólik esiginiń qaptamasynda 20 lıtr alkogol jasyrylǵan.
Bul avtokólik kelisimshartqa sáıkes, mekemeniń aýmaǵyna tehnıkalyq qyzmet kórsetý stansasyna jóndeýge kirgizilgen edi.
«Mekeme qyzmetkerleri 6699 á/b áskerı jasaǵynyń baqylaýshylarymen birge avtokólikti tekserý barysynda esik qaptamasynan tyıym salynǵan zattardy taýyp, tárkiledi. Onda zarıadtaý qurylǵylary men qulaqqaptary bar uıaly telefon jáne alkogoldiń erekshe ıisi bar syıymdylyǵy 1,5 lıtrlik 20 bótelkeni tárkiledi. Tárkilengen zattar sot-medıtsına saraptamasyna jiberildi», – deıdi ShQO boıynsha qylmystyq-atqarý júıesi departamentiniń bastyǵy, polıtsııa polkovnıgi Janbolat Qaletaev.
Kolonııa aýmaǵyna telefon men alkogoldi tasymaldaýǵa tyrysqan kólik mekemeniń óndiristik ýchaskesinde jumys isteıtin TQS-ǵa jóndeýge kirgizilmek bolǵan.
Aıta ketý kerek, mekeme qyzmetkerleri áskerı bólimniń baqylaýshylarymen jáne ıisshil ıttermen birge tyıym salynǵan zattardy alyp ótý jáne laqtyrý faktileriniń jolyn kesý maqsatynda mekeme aýmaǵyna kiretin barlyq mashınany tekseredi.
