Túrmege esirtki men uıaly telefon alyp kirmek bolǵan adamdar ustaldy
Bir aptalyq is-sharanyń alǵashqy qorytyndylaryn QR Іshki ister mınıstrliginiń resmı ókili Nurdildá Oraz vedomstvonyń baspasóz máslıhatynda jarııalady.
«18-25 qyrkúıek aralyǵynda elimizde «Qadaǵalaý» jedel aldyn alý is-sharasy ótkizildi. Onyń maqsaty – sottalǵandar men tergeýge, qamaýǵa alynǵan adamdardyń zańǵa qarsy áreketteriniń aldyn alý, qylmystyq atqarý mekemelerinde tyıym salynǵan zattardy paıdalanýdyń jolyn kesý. Profılaktıkalyq is-shara kezinde qylmystyq atqarý júıesi men Ulttyq Ulannyń 4 myń qyzmetkeri qatysty», - dedi ІІM ókili.
Sondaı-aq, ol bir apta ishinde jazany óteý tártibin buzýdyń 153 faktisi áshkere olǵanyn aıtady.
«1747 tintý ótkizildi. Onyń ishindi bir jalpy tintý, memekege kirgen atokólikterdi 1035 ret tekserý júrgizildi. 25 813 uıym qyzmetkerlerin tekserý uıymdastyryldy. Sonymen birge qylmystyq atqarý júıesi mekemeleriniń qyzmetkerleri de osynsha ret tekserildi. Tintý nátıjesinde mekemege kirgizbek bolǵan 55 uıaly telefon, esirtki jáne 1000 teńge kólemindegi aqsha tárkilendi. Mekemege tyıym salynǵan zattardy jetkizýge tyrysqan 4 adam ustaldy», - dedi vedomstvonyń resmı ókili.