Túrmeden shyqqan týberkýlez dertine shaldyqqandardy emdeýdiń tıimdi júıesi joq - zertteý nátıjesi
ASTANA. 24 qazan. QazAqparat - Búgin Astanada qylmystyq atqarý júıesi men odan keıingi ortada týberkýlezdiń aldyn alý máselelerine arnalǵan konferentsııa ótýde. Onda adam quqyqtaryn qorǵaý jáne týberkýlezben kúres jónindegi «Úmit sáýlesi» qoǵamdyq qorynyń osy saladaǵy zertteýleri tyńdaldy.
Atalǵan shara QR Densaýlyq saqtaý mınıstrligi men QR Іshki ister mınıstrligi Qylmystyq atqarý júıesi komıtetiniń bastamasymen uıymdastyrylyp otyr. Eýropalyq odaq pen Ortalyq Azııadaǵy «Halyqaralyq túrme reformasy» uıymynyń qarjylaı qoldaýymen ótip jatqan májiliste adam quqyqtaryn qorǵaý jáne týberkýlezben kúres jónindegi «Úmit sáýlesi» qorynyń birjyldyq zertteý jumysynyń qorytyndysy talqylanyp jatyr. Qor dırektory Lıýbov Rýbejanskaıa atap kórsetkendeı, búginde qamaýdan shyqqan azamattardyń týberkýlezdi emdeý sharalaryn jalǵastyrmaı jatýdyń basty sebebi - óz densaýlyǵyna nemquraıly qaraýy. «Keı kezde olar densaýlyqqa keler zııandy tolyǵymen túsinbeıdi. Sol sebepti qamaýdan shyqqan soń, týberkýlezdi emdeý sharalaryn jalǵastyrmaı júre beredi. Negizi, Qazaqstanda osy toptaǵy azamattardy emdeýdiń tıimdi júıesi qalyptaspaǵan», - deıdi L. Rýbejanskaıa.
