Túrmeden shyqqan semeılik bes kúnnen keıin qaıta urlyq jasady
SEMEI. QazAqparat – Túrmeden bosap shyqqan Semeı turǵyny bes kúnnen keıin qaıta urlyq jasap, qolǵa tústi, dep habarlaıdy QazAqparat tilshisi.
Shyǵys Qazaqstan oblysynyń Polıtsııa departamentinen málim etkendeı, «Páter» jedel-profılaktıkalyq reıdi kezinde úı urlyǵynyń birneshe qylmysy ashyldy.
«Semeı qalasynyń Zaton aýdany boıynsha polıtsııa bóliminiń qyzmetkerleri 31 jastaǵy uryny qolǵa túsirdi. Tergeý barysynda qaraqshy buryn birneshe ret sottalyp, osy jyldyń 1 tamyzynda ǵana abaqtydan bosatylǵany anyqtaldy», - delingen departamenttiń dereginde.
Onyń bul bassyzdyǵynan 44 jastaǵy turǵyn zardap shekken.
«7 tamyzda «102» jedel nómirine Semeı qalasynyń 44 jastaǵy turǵynynan shaǵym tústi. Otbasymen Alakóldegi demalysynan oralǵan úı ıesi jatyn bólmedegi shkaftan 900 myń teńge kóleminde aqsha urlanǵanyn baıqap, polıtsııaǵa júgingen. Qazir kúdiktiniń ústinen Qylmystyq kodekstiń 188-babynyń 2-bóligi boıynsha sotqa deıingi tergeý bastaldy. Ol Semeı qalasynyń polıtsııa basqarmasynyń ýaqytsha ustaý abaqtysynda otyr. Zaton aýdany boıynsha polıtsııa bóliminiń jedel-tergeý qyzmeti kúdiktiniń osyǵan uqsas bes urlyqqa qatysy baryn dáleldedi. Qylmysty moıyndaý týraly jaýaptar alyndy», - delingen resmı aqparatta.
