Túrmeden shyqqan MMA sheberi qarsylasyn nokaýtqa túsirdi
ASTANA. QazAqparat - Reseılik aralas jekpe-jek sheberi (MMA) Aleksandr Emelıanenko túrmeden shyqqannan keıingi alǵashqy aıqasynda brazılııalyq Djeronımo Dos Santostan basym tústi.
Jekpe-jek 27 qyrkúıekte Máskeýde World fighting championship Akhmat (WFCA) týrnıri aıasynda ótti.
Alǵashqy raýndta-aq reseılik qarsylasynyń basyna birneshe aýyr soqqy darytty. Dos Santos sulap tústi. Biraq artynsha ornynan ózdiginen turǵanyn qaramastan tóreshi aıqasty toqtatty.
Brazılııalyq birshama ýaqyt referımen daýlasyp baqty, biraq qorytyndysynda Emelıanenko jeńimpaz bolyp tanyldy.
Bul reseıliktiń óz sporttyq jolynaǵy 24-inshi jeńisi. Ol jeti ret jeńilgen. Al Dos Santos 20 ret súrinip, 38 ret utqan.
Eske sala ketsek, Emelıanenko 2016 jyly úı qyzmetkeri Polına Stepanovany zorlaǵany jáne onyń tólqujatyn urlaǵandyǵy úshin sottalǵan bolatyn. Voronej oblystyq soty onyń jazasyn eki jyl túzeý jumysyna aýystyrdy.
Máskeýdegi Sımonovskıı soty aralas jekpe-jek sheberin 2015 jyly 4,5 jylǵa bas bostandyǵynan aıyryp jáne 50 myń rýbl aıyppul salǵan.
