Túrmeden qashqany úshin óz elinde 18 jyl boıy izdeýde bolǵan qyrǵyzstandyq Almatyda ustaldy
ASTANA. Qazannyń 27-si. QazAqparat /Gúlmıra Álıakparova/ - Bas bostandyǵynan aıyrý orynynan qashqany úshin Bishkek qalasy polıtseıleri 18 jyl boıy izdestirgen qyrǵyzstandyq qylmysker Almatyda ustaldy. Bul týraly búgin ótken brıfıng barysynda QR Іshki ister mınıstrligi Memlekettik til jáne aqparat departamentiniń bastyǵy Qýanyshbek Jumanov málim etti.
«Almaty qalasy Іshki ister departamentiniń krımınaldyq polıtsııa qyzmetkerleri bas bostandyǵynan aıyrý orynynan qashqany úshin Bishkek qalasy Іshki ister bólimimen 18 jyl boıy izdeýde bolǵan Qyrǵyzstan azamatyn ustady», - dedi Q.Jumanov.
Sondaı-aq ol, Astana qalasy ІІD-niń krımınaldyq polıtsııasy adam saýdasy boıynsha qylmys jasaǵany úshin Ózbekstan Respýblıkasynyń quqyq qorǵaý organdarymen izdestirýde bolǵan 42 jastaǵy qylmyskerdi quryqtaǵanyn atap ótti. Ol 2007 jylǵy qyrkúıekte eki ózbek azamatyn aldap Ońtústik Qazaqstan oblysyna alyp barǵan.
Aıta keteıik, qylmyskerler TMD aýmaǵynda qazannyń 20-22 kúnderi ótkizilgen «Іzdestirý» birlesken operatsııasy barysynda ustaldy. Qazaqstan jerinde qylmys jasap, ózge elderde ustalǵandardyń sany - 26 (Reseıde - 18, Ózbekstanda - 4, Ázirbaıjanda, Grýzııada jáne Ýkraınada - bireýden), óz elderinde qylmys jasap Qazaqstanda boı tasalap júrgenderdiń sany - 69 (Reseı - 49, Ózbekstan - 14, Ázirbaıjan, Grýzııa, Ýkraına, Qyrǵyzstan jáne Belarýs - bireýden).
