Túrmeden qashqandar ustaldy - QR ІІM
ASTANA. QazAqparat - Pavlodar men Jambyl oblystarynda eki kúnniń ishinde qonys kolonııasynan qashqan eki sottalýshy ustaldy, dep habarlady ІІM QAJ komıtetiniń baspasóz qyzmetinen.
Seısenbi kúni, 26 tamyzda Almatynyń Medeý aýdanynda Pavlodar oblysyndaǵy qonys kolonııasynan qashqan sottalýshy ustaldy.
«Urlyq jasaǵany úshin 6,5 jylǵa sottalǵan azamat Pavlodar qalasynan 180 shaqyrym jerde ornalasqan Shiderti kentindegi qonys kolonııasynda jazasyn ótep júrgen. 2014 jylǵy sáýirde erkin júrip-túrý quqyǵyn paıdalanǵan ol jumys ornynan qashyp ketip, belgisiz baǵytta boı tasalaǵan. Ol tórt aıdan astam ýaqyt boıy izdestirildi. Aqyr sońynda QAJ qyzmetkerleri Almaty qalasy Medeý aýdanynyń ІІB krımınaldyq polıtsııasyndaǵy áriptesterimen birlesip ony ońtústik astanada qolǵa túsirdi», dep atap ótti Pavlodar oblysy boıynsha QAJ departamentiniń ókili Borıs Gavrılıýk.
Osyǵan uqsas jaǵdaı sársenbi, 27 tamyzda Jambyl oblysynda tirkeldi. Ońtústik Qazaqstan oblysy boıynsha QAJ departamentiniń ICh-167/10 mekemesi qyzmetkerleriniń shuǵyl áreketiniń arqasynda sottalýshy Taraz qalasynda ustaldy. Esirtki taratqany úshin Shymkenttegi qonys kolonııasynda 6 jyl merzimin ótep jatqan ol jumys ornynan aǵymdaǵy jylǵy 24 tamyzda qashyp ketip, izin sýytqan.
Eki qashqyn da ýaqytsha ustaý oqshaýlaǵyshyna qamaldy, tergeý júrgizilýde.
