Túrmeden qashqan qylmysker aıazǵa shydamaı kamerasyna qaıta oraldy
ASTANA. 8 qańtar. QazAqparat - AQSh-tyń Kentýkkı shtatynda túrmeden qashqan qylmysker aıazǵa shydaı almaı abaqtyǵa qaıta oralǵan.
Bul jaıynda jergilikti Lex 18 telearnasy habarlady.
Urlyq jáne maıda zań buzýshylyqtary úshin sottalǵan 42 jasar Robert Vık Leksıngton qalasynyń túrmesinen ótken aptanyń sońynda qashyp ketken bolatyn. Alaıda, araǵa bir kún salyp qylmysker ózi jatqan abaqtyǵa qaıta oraldy. Onyń aıtýynsha, ol aıazdan qatty jaýrap, tártip saqshylaryna berilýden ózge amaly qalmaǵan.
Polıtseıler bolsa qashqyn túrmege "tisi tisine tımeı" dirildep keldi dep otyr. Aıta keteıik, búkil AQSh turǵyndaryn ábigerge salǵan aıazdyń beti Kentýkkı shtatynda da áli qaıtqan joq. Qazir munda mınýs 20 gradýs.
Vık dárigerlerdiń qaraýynan keıin óz kamerasyna qaıta oraldy, dep habarlaıdy Baq.kz.
