Túrmeden qashqan qylmysker 11 jyldan keıin ustaldy
ASTANA. QazAqparat - Kólik urlyǵyn tergegen Vladıvostok polıtseıleri aýyr qylmystar jasaǵany úshin sottalyp, 2004 jyly túrmeden qashyp ketken, sodan beri federaldyq izdeýde bolǵan adamnyń izine shyqty, dep habarlady juma kúni ІІM-niń aımaqtyq basqarmasynan.
Polıtseıler urlanǵan kóliktiń salonynan saýsaq izderin anyqtady. Daktıloskopııalyq saraptama olardyń biri ıAkýtııadaǵy kolonııadan 11 jyl buryn qashyp ketken sottalýshynyki ekenin kórsetti. Qashqyn adam óltirgeni, qaraqshylyq jáne jalǵan qujattardy jasaǵany úshin 13 jylǵa sottalǵan.
Kólik ıesine qashqynnyń fotosýretin kórsetkende, ol odan taıaýda kóligin jóndetken kólik jóndeý ornynyń qyzmetkerin tanydy.
Qylmystyq izdeý qyzmetkerleri qaskúnemdi ustady. Onyń kolonııadan qashyp, poıyzdaǵy seriginiń tólqujatyn urlap áketkeni belgili boldy. Osy qujatpen Vladıvostokta 11 jyl turǵan.
