Túrmeden qashqan asa qaýipti qylmyskerlermen atysta eki polıtseı jaralandy

Bul týraly beısenbi kúni jýrnalısterge jandarmerııa ókilderi málim etti dep habarlady TASS.

Olardyń málimetterinshe, qashyp júrgen Martın Lanatta, Krıstıan Lanatta jáne Vıktor Skıllachı Santa-Fe provıntsııasyndaǵy Koronda qalasy mańynda tártip saqshylaryna oq jaýdyrǵan. Atystan keıin qylmyskerlerdiń sytylyp ketýiniń sáti túsken. Polıtseıler aýrýhanaǵa jetkizildi. Olardyń biriniń jaǵdaıy aýyr, al ekinshisiniń ómirine qaýip joq.

Argentına qaýipsizdik mınıstri Patrısııa Býllrıch shuǵyl oqıǵa ornyna attandy. Budan buryn halyqaralyq izdeý jarııalanǵan qylmyskerlerdi ustaýǵa 500 tártip saqshysy tartylǵan bolatyn.

Eske sala ketsek, esirtki mafııasymen tyǵyz baılanysta bolǵan qylmyskerler úsh ret adam óltirgendikteri úshin ómir boıy bas bostandyqtarynan aıyrylǵan. Tergeý boljamynyń bir nusqasy boıynsha, olardyń Býenos-Aıres provıntsııasyndaǵy qatań rejimdegi túrmeden qashyp shyǵýlaryna sondaǵy qyzmetkerlerdiń biri kómektesken.