Túrmeden bosap shyqqan 700-den astam qazaqstandyq qalypty ómirge oraldy
Bul týraly búgin dóńgelek ústel barysynda Densaýlyq saqtaý jáne áleýmettik damý mınıstrligi Áleýmettik qyzmetter departamentiniń dırektory Aıgúl Tábergenova málim etti, dep habarlaıdy QazAqparat.
«Arnaýly qyzmetter týraly» zańǵa sáıkes, bas bostandyǵynan aıyrý oryndarynan bosap shyqqan azamattar kúrdeli ómir jaǵdaıyna tap bolǵandar retinde qarastyrylady. ıAǵnı, osy sanattaǵylarǵa belgili bir memlekettik qoldaýlar qajet. Aǵymdaǵy jyldyń basynan probatsııalyq qyzmettiń kómegi arqasynda biz 731 tulǵany qoǵamǵa kiriktire aldyq. Atalǵan azamattar áleýmettik-quqyqtyq kómekter aıasynda jumysqa ornalasyp, mamandyqqa oqydy, keıbiri qujattaryn qalpyna keltirse, birqatar azamattar qajetti medıtsınalyq jáne psıhologııalyq qyzmetter keshenin aldy», - dedi mınıstrlik ókili.
Onyń aıtýynsha, túrmeden bosap shyqqan birqatar azamattarǵa baspanamen qamtý, ýaqytsha nemese jalǵa beriletin baspanalarǵa ornalastyrý baǵytynda da kómekter kórsetilgen. Aıta keterligi, «Jumyspen qamtý» jol kartasy aıasynda bas bostandyǵynan aıyrý oryndarynan bosap shyqqandardy jumyspen qamtýǵa birinshi kezekte basymdyq beriledi.
Tutastaı alǵanda, aǵymdaǵy jyldyń toǵyz aıynda buryn sotty bolǵan 28 myńnan astam azamatqa áleýmettik-quqyqtyq kómekter kórsetilgen.
