Túrmeden 150-den astam tutqyn qashyp ketti
ASTANA. 12 shilde. QazAqparat - Indonezııanyń Sýmatra aralyndaǵy Medan qalasynyń túrmesinen keshe keshkisin búlik kezinde keminde 150 tutqyn qashyp ketti, dep habarlaıdy Ýtro.rý.
Jergilikti bıliktiń aqparatyna qaraǵanda, búlik túrmede sý jetpeýi saldarynan oryn alǵan. Al sýdyń berilmeýine elektr energııasynyń kezekti márte óshirilýi sebep boldy. Búlik kezinde tutqyndar túrmeni órtke oraǵan.
Polıtsııa men áskerı qyzmetshiler Medan kóshelerinen qashqyndardy izdeýde. Quqyq qorǵaý organdarynyń aqparatyna qaraǵanda, birqatar qashqyn lańkestik baby boıynsha sottalǵan.
