Túrmedegiler tyshqandy esirtki kýreri retinde paıdalanyp kelgen
ASTANA. QazAqparat - Brazılııada Aragýaına qalasyndaǵy Barra-de-Grota túrmesiniń basshylyǵy osyndaǵy jazasyn ótep jatqandar óz kameralaryna tyıym salynǵan zattardy qandaı ádispen ákeletindikterin bilgende jaǵalaryn ustady.
Kameralardy baqylaıtyn túrme kúzetshileri monıtordan qybyrlaıtyn, biraq ne ekeni belgisiz kúdikti zatty udaıy kóretin bolǵan. Olar munyń kádimgi tyshqan ekendigin bilgende tań qalmasqa sharalary qalmady. Qylmyskerler onyń quıryǵy men aıaqtaryna arnaıy jip baılap, oǵan kokaın jáne kannabıs (esirtki zaty) salynǵan paketti bekitetin bolǵan.
Tyshqandy ustaǵan kezde quqyq qorǵaýshylar odan esirtki salynǵan 50 shaǵyn paketti tapqan.
