Túrmedegi jarylys: 10 jazasyn óteýshi ajal qushty
ASTANA. QazAqparat - Fılıppındegi túrmede granata jarylǵan kezde on jazasyn óteýshi qaza tapty.
Oqıǵa Manıla astanasynyń ońtústigine qaraı ornalasqan Paranak qalasyndaǵy penıtentsıarlyq mekemede oryn aldy. Granata jazasyn óteýshilerdi basqa túrmege aýystyrýǵa qatysty kelissóz ótip jatqan kezde jaryldy, - dep jazdy Straits Times gazeti.
Aldyn ala derekterge súıensek, jazasyn óteýshiler qashýdy uıymdastyrý úshin kelissóz bolyp jatqan ýaqytty paıdalanýy yqtımal. Oqıǵa ornynda bastapqyda atys bolyp, artynsha granata jarylǵan. Saldarynan segiz adam qaza taýyp, bir adam alǵan jaraqatynan aýrýhanada kóz jumdy.
Mert bolǵandar - esirtkiniń zańsyz aınalymy týraly bappen jazasyn ótep jatqandar. Assoshıeıted Press agenttiginiń aqparatyna sáıkes qaza tapqandardyń ekeýi - krımınaldyq ortada atyshýly qytaılyq esirtki tasymaldaýshylar.
