Túrmedegi tóbeles: 9 adam mert boldy
ASTANA. QazAqparat - Meksıkanyń soltústik shyǵysyndaǵy Tamaýlıpas shtatynyń Reınos qalasyndaǵy túrmede bolǵan tóbeles toǵyz sottalýshynyń ólimimen aıaqtaldy.
Taǵy 11 jazasyn óteýshi jaraqat aldy, dep habarlady shtattyń qoǵamdyq qaýipsizdik mınıstrligi.
Zardap shegýshilerge medıtsınalyq kómek kórsetildi. Oqıǵadan keıin túzeý mekemesiniń ishki jáne syrtqy qaýipsizdik sharalary kúsheıtildi.
Meksıka túrmelerinde tártipsizdik jıi bolyp turatyn jaǵdaı. Olar kóbinese adam ólimimen aıaqtalyp jatady. Sońǵy on jyldyqtaǵy sottalýshylar arasyndaǵy eń qantógisti soqtyǵys 2016 jyldyń aqpan aıynda «Topo-Chıko» túrmesinde boldy. Resmı málimetterge súıensek, ol joly 49 adam qaza tapqan.
