Túrmedegi tóbeles: 6 adam qaza tapty, 16-sy jaraqattanǵan
MEHIKO. QazAqparat – Tabasko shtatynyń túrmeleriniń birinde tártipsizdikter saldarynan 16 adam jaraqat aldy, 6 adam mert boldy, dep habarlaıdy QazAqparat El Financiero gazetine silteme jasap.
Seısenbide jergilikti ýaqyt boıynsha saǵat 18:00-de túrmeden zorlyq-zombylyq týraly habarlama kep túsken. Oqıǵa ornyna memlekettik jáne federaldy polıtsııa, bas prokýratýra jáne ulttyq gvardııa qyzmetkerleri kelgen.
Sot-medıtsınalyq qyzmetke silteme jasaı otyryp, zardap shekkender sanynyń áli de kóbeıýi múmkin ekeni habarlanady.
Aldyn ala málimetter boıynsha, tutqyndardyń eki toby jazasyn ótep jatqan mekemeni óz baqylaýyna alý úshin tóbelesken.
