Túrmedegi sottalýshy áıeldi zorlaý týraly is sotqa kelip tústi

ALMATY. QazAqparat - Almatyda túzetý kolonııasynda sottalýshy áıeldi zorlaý týraly is sotqa kelip tústi. Bul týraly búgin «QazAqparat» tilshisine Almaty qalalyq sotynyń baspasóz qyzmetinen habarlady.

Málim bolǵanyndaı, Rýslan Hákimovke qatysty qylmystyq is Almaty qalasynyń Túrkisib aýdandyq sotyna keshe - 26 shildede kelip túsken.   

«Basty kúdikti Rýslan Hákimovke QR Qylmystyq Kodeksiniń 362-shi baby 4-shi tarmaǵynyń 1-shi bóligi (qyzmet babyn asyra paıdalaný) jáne 120-shy baby 2-shi tarmaǵynyń (zorlaý) 4-shi bóliginde (áldeneshe ret) qarastyrylǵan quqyq buzýshylyqtardy jasaǵan degen aıyp taǵylýda», - dedi baspasóz qyzmetindegiler.

Al, sol kezde túrme mekemesiniń bastyǵy qyzmet atqarǵan Ermek Omarbekovqa qatysty is óz aldyna bólek óndiriske berildi.

Sotqa deıingi tergeý amaldary 25 shildede aıaqtaldy.

Esterińizge sala ketelik, sottalýshy Natalıa Slekıshına bıyl shilde aıynyń basynda qamaýda toptyq zorlaýdyń qurbany bolǵandyǵyn, sonyń saldarynan qyz bosanǵandyǵyn habarlaǵan bolatyn. Onyń aıtýynsha, túrme basshylyǵy alǵashynda zorlaý týraly isti jasyrmaq bolǵan. Alaıda, saraptama qylmystyq iske qatysty tulǵalardyń biriniń ákeligin rastady. 

Zorlaý oqıǵasy QR ІІM Qylmystyq atqarý júıesi komıtetiniń LA-155/18 memlekettik mekemesiniń tergeý abaqtysynda bolǵan. Natalıa Slekıshınanyń aıtýynsha, zorlaýǵa osy mekemeniń tórt qyzmetkeri qatysqan.