Túrmedegi pedofılge esirtkini kámpıtke tyǵyp ótkizbek bolǵan áıel ustaldy
Almaty oblysy boıynsha Qylmystyq atqarý júıesi departamenti baspasóz qyzmetiniń málimetinshe, áıel adam Almaty oblysy boıynsha QAJD qarasty LA-155/12 joǵary qaýipsizdik mekemesindegi pedofılge psıhotroptyq zattardy kámpıtterdiń ortasyna tyǵyp ótkizýge tyrysqan.
«2017 jyly azamattyq nekedegi áıeldiń kámeletke tolmaǵan qyzyna qatysty erekshe qatygezdikpen jynystyq qatynas jasaǵan sottalǵanǵa tyıym salynǵan zattardy kolonııaǵa berýge tyrysty. Qysqa merzimdi kezdesýge kelgen áıel jazasyn óteýshige kámpıtke tyǵylǵan psıhotroptyq zattardy alyp barǵan. Alaıda, jedel bólimdegi tekserý tobynyń qyzmetkerleri bul árekettiń aldyn aldy.
Sottalǵandarmen jáne olardyń týystarymen tyıym salynǵan zattardy alyp ótý faktilerine jol bermeý boıynsha júrgizilgen profılaktıkalyq áńgimelesýlerge qaramastan, azamattar tyıym salynǵan zattardy berýdi sanaly túrde jalǵastyrýda.
Tek 5 aıdyń ishinde Almaty oblysynda penıtentsıarlyq mekemelerge uıaly telefondardy, spırttik ishimdikterdi, aqsha qarajatyn jáne esirtki zattaryn ákelýdiń 10 - ǵa jýyq faktisiniń aldyn alyndy», - dedi Almaty oblysy boıynsha QAJD bastyǵynyń mindetin atqarýshy Qanat Ashov.
Esterińizge sala keteıik, qylmystyq-atqarý júıesi mekemesine tyıym salynǵan zattardy bergender QR ÁQBtK-niń 481-babynda kózdelgen ákimshilik jazaǵa tartylady.
