Túrmedegi órt: 23 adam qaza tapty
ASTANA. QazAqparat - Efıopııada Addıs-Abebe qalasyndaǵy túrmede bolǵan órt saldarynan 23 adam ajal qushty, dep habarlaıdy Rosbalt Al Jazeera telearnasyna silteme jasap.
Keleńsiz oqıǵa oppozıtsııadaǵy saıasatkerler men jýrnalıster otyrǵan Kılınto túrmesinde oryn alǵandyǵy atap ótiledi.
Ázirge oqys oqıǵanyń neden órbigeni jaıynda aıtylmaı otyr. Telearnanyń málimetterine qaraǵanda, mert bolǵandardyń basym bóligi órtengen zattardyń tútinine ýlanǵan.
Túrmege qamalǵandardyń kópshiligi jaqynda Efıopııa astanasynda oryn alǵan úkimetke qarsy jappaı sherý kezinde ustalǵandar.
