Túrmedegi medıtsınalyq qyzmetter densaýlyq saqtaý júıesine berilmek - S.Mýsınov
ASTANA. QazAqparat - QR Іshki ister mınıstrligi qylmystyq-atqarý júıesindegi medıtsınalyq qyzmetterdi Densaýlyq saqtaý jáne áleýmettik damý mınıstrliginiń qaramaǵyna berýdi josparlaýda. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Densaýlyq saqtaý jáne áleýmettik damý vıtse-mınıstri Serikbol Mýsınov málim etti.
«Bizde bir problema qalyp otyr. Bul - kolonııalarda jazasyn ótep jatqan naýqastardy medıtsınalyq kómekpen qamtamasyz etý máselesi. Bul jumystardy ІІM-men birlesip júrgizýdemiz. Biz 2015 jyly Qylmystyq-atqarý júıesi komıtetiniń qaramaǵyndaǵy medıtsınalyq qyzmetti ózimizdiń vedomstvoǵa alýdy josparlaýdamyz»,- dedi ol. S.Mýsınovtyń sózine qaraǵanda, búgingi tańda elimizde týberkýlezge shaldyqqan naýqastar 100 paıyz ókpe aýrýyna qarsy preparattarmen qamtamasyz etilgen.
