Túrmedegi búlik: 20 tutqyn men eki kúzetshi qaza tapty

ASTANA. QazAqparat - Tájikstandaǵy túrmelerdiń birinde bolǵan búlikten kem degende jıyrma tutqyn jáne eki kúzetshi qaza tapqan. Bul týraly beısenbide Agence France-Presse (AFP) agenttigi qaýipsizdik qurylymdaryna silteme jasap habarlady.

Tártipsizdikter sársenbi kúni keshkisin eldiń soltústiginde ornalasqan Hýdjand qalasyndaǵy qatań tártiptegi túrmede bolǵan. Buǵan deıin Reuters agenttigi 13 adam qaza tapqanyn habarlaǵan bolatyn.

AFP agenttiginiń habarlaýynsha, búlik kezinde alty kúzetshi jaralanǵan.

Málimetterge qaraǵanda, tutqyndardyń biri kúzetshige shabýyl jasaǵannan keıin jappaı búlik shyqqan. Qala bıligi túrmedegi keleńsiz jaǵdaıdy rastaǵan, biraq tolyqqandy aqparat bermeı otyr.