Túrmedegi áıelder merekeni atap ótti
ShYMKENT. QazAqparat - Shymkenttegi áıelder túrmesinde merekelik shara atalyp ótildi. Qatań tártiptegi kolonııada jazasyn ótep jatqan názikjandylar 8 naýryz - Halyqaralyq áıelder kúni merekesi qarsańynda uıymdastyrylǵan baıqaýda baq synasty, dep habarlaıdy QazAqparat HAA tilshisi.
Shymkenttegi ICh167/4 túzeý mekemesindegi ótken baıqaýǵa 10 jazasyn óteýshi qatysyp, «Úzdik aspaz» jáne «Úzdik tiginshi» anyqtaldy. Óner saıysynda sottalǵandar bir sát túrmeni umytyp, án aıtyp, bı bıledi. Biri - taǵamnyń túr-túrin pisirse, endi biri sándi kımi úlgilerin jurtshylyq nazaryna usyndy. Shara barysynda qatań tártipke baǵynyp júrgen arýlar osylaısha ózara synǵa túsip, ónerden kem emestikterin ańǵartty. Kópshiliktiń kóńilin bir marqaıtyp tastady. Abaısyzda kisi óltirgen Meıramgúl Nurbekova da búgingi baıqaýǵa qatysyp júldeli oryn aldy. On saýsaǵynan óner tamǵan jan túzeý mekemesinde bıyl 4-shi jyl otyr. Osynda aspaz bolyp jumys isteıtin ol 8 naýryz kúni temir tordaǵy qyz-kelinshekter de eskerýsiz qalmaıdy,- deıdi.
Aıta keteıik, qazir bul mekemede 200-den astam qyz-kelinshek jazasyn ótep júr. Olardyń 70 paıyzy jumyspen qamtylǵan. Eńbegine qaraı jalaqy da alady. Al, búgingi shara olardyń jigerin shyńdap, qoǵamdyq ómirge beıimdelýine oń yqpal etpek.
