Túrmedegi áıelderdiń jaǵdaıy jeńildeıdi – joba

ASTANA. KAZINFORM – Іshki ister mınıstrligi qylmystyq-atqarý júıesi mekemeleriniń ishki tártip qaǵıdalaryna ózgerister men tolyqtyrýlar engizý boıynsha qujat ázirledi. Qujat jobasy «Ashyq NQA» portalynda jarııalandy. 

Qujatqa sáıkes, ózgerister qylmystyq-atqarý júıesi mekemelerinde áıelderdi ustaý jaǵdaıyn jaqsartýǵa baǵyttalǵan.

Jobada kelesi ózgerister kózdelgen:

• kámeletke tolmaǵan balalary bar sottalǵan áıelder úshin bólek kún tártibin ázirleý;
• júkti áıelderge, sondaı-aq 58 jastan asqan áıelderge jeke ýaqytynda uıyqtaý oryndaryn paıdalanýǵa ruqsat berý;
• monshaǵa barý jıiligin aptasyna eki retke deıin arttyrý;
• oramalmen qatar qoldanýǵa ruqsat etiletin jańa bas kıim túri, ıaǵnı beısbolkaǵa ruqsat berý;
• tekserý men sap túzeýdi úı-jaıda ótkizýge ruqsat beretin aýa temperatýrasynyń shekti deńgeıin (mınýs 20°C) naqtylaý;
• ruqsat etilgen sálemdeme salmaǵyna kirmeıtin jeke gıgıena jáne bala kútimine arnalǵan zattardyń tizbesin engizý;
• balalarmen ǵımarat qabyrǵasy arqyly emes, qysqa merzimde tikeleı kezdesý múmkindigin berý;
• balalarmen kúndelikti telefon arqyly sóılesýge quqyq berý;
• shash kútimine arnalǵan turmystyq tehnıka esebinen ruqsat etilgen zattar tizimin keńeıtý.

Qujat jobasy bıyl 19 tamyzǵa deıin qoǵamdyq talqylaýǵa usynylyp otyr. 

Buǵan deıin endi pedofılderge túrmeden shyqqanǵa deıin kastratsııa jasalatyny týraly jazǵan edik.