Túrmede zorlanǵan áıel isi: Ádilet polkovnıginiń jazasy jeńildedi
ALMATY. QazAqparat - Almatyda túrmede zorlanǵan áıel isinen soń 5 jylǵa sottalǵan burynǵy túrme basshysynyń mindetin atqarýshy, Ádilet polkovnıgi Omarbekov Ermektiń jazasy jeńildetildi, dep habarlaıdy QazAqparat tilshisi.
Sottalýshynyń densaýlyǵy nasharlap ketýine baılanysty qorǵaýshysy qalalyq sottyń apellıatsııalyq kollegııasyna aryz túsirgen bolatyn.
Qalalyq sottyń baspasóz qyzmeti habarlaǵandaı, apellıatsııalyq sottyń tóraǵasy Túrksib aýdandyq soty shyǵarǵan úkimdi ózgertip, Omarbekov Ermekti QR QK 361-baby 2-bólimi, QR QK 370-babynyń 4-bólimi boıynsha túpkilikti 2 jylǵa bas bostandyǵynan aıyrý týraly úkim shyǵardy. Sonymen qatar ol ómir boıy memlekettik qyzmette jumys jasaý quqyǵynan aıryldy.
Sottalýshy jazasyn 2017 jyldyń 8 shildesinen bastap ótep jatyr.
Aıta ketý kerek, 2015 jyly túrme qyzmetkeri Rýslan Hakımov zorlap, odan bala týdym degen Natalıa Slekıshına sol kezdegi ýaqytsha ustaý mekemesiniń basshysy Ermek Omarbekovke oqıǵa týraly aryzdanǵan. Alaıda ol eshqandaı áreket jasamaǵan. Kelinshek kóp uzamaı dúnıege bala ákeldi. DNQ saraptamasy boıynsha balanyń ákesi túrme qyzmetkeri Rýslan Hakımov ekeni anyqtaldy. Onyń kinási dáleldenip, 9 jylǵa túrmege qamalǵan bolatyn.
Keıin Túrkisib aýdandyq sotynda Ermek Omarbekovke qatysty sot úkimi shyqqan bolatyn.
