Túrmede zorlanǵan áıel isi: Ádilet polkovnıgi 5 jylǵa sottaldy
ALMATY. QazAqparat - Túrmede zorlanyp, júkti bolǵan Natalıa Slekıshınanyń isi boıynsha sol kezdegi LA-155/18 ýaqytsha tergeý ızolıatorynyń basshysy Ermek Omarbekovke qatysty sot úkimi shyqty, dep habarlaıdy QazAqparat tilshisi.
Búgin Túrkisib aýdandyq sotynda Ermek Omarbekovke qatysty sot sheshim shyǵardy. Ol qyzmet babyndaǵy salǵyrttyǵy (QR QK 370-baby, 4 tarmaǵy), qyzmettik laýazymyna zııan keltirý (QR QK 361-baby, 2-tarmaǵy) baptary boıynsha kináli dep tanyp, 5 jylǵa sottaldy. Sonymen qatar, ádilet polkovnıgi laýazymynan aıyrdy.
Eske sala keteıik, 2015 jyly túrme qyzmetkeri Rýslan Hakımov zorlap, odan bala týdym degen N. Slekıshına sol kezdegi ýaqytsha ustaý mekemesiniń basshysy Ermek Omarbekovke oqıǵa týraly aryzdanǵan. Alaıda ol eshqandaı áreket jasamaǵan. Al N. Slekıshınany zorlaǵan R. Hakımovtyń kinási dáleldenip, 9 jylǵa túrmege qamalǵan bolatyn.
