Túrmede jatyp, telefonmen adamdardy aldaǵan

ORAL. QazAqparat – BQO kıberpolıtseıleri oblystyq QAJD qyzmetkerlerimen birlesip, alaıaqtyq jasaǵany úshin túrmede otyrǵan jazasyn óteýshiniń taǵy bir qylmysyn áshkereledi, dep habarlaıdy QazAqparat polisia.kz telegram kanalyna silteme jasap.

«29 maýsym kúni belgisiz adam 54 jastaǵy A. esimdi azamattyń WhatsApp jelisine qyzy basqa nómirden hat jazyp jatqandyǵy jaıly jáne lımıttik kartalarda qaryzdary baryn habarlaǵan. Osylaısha, ol jábirlenýshiniń banktik kartasynyń derekterin alyp, 477 myń teńgeni ıemdenedi.

BQO kıberpolıtseıleri oblystyq QAJD qyzmetkerlerimen birlesip, qazirgi ýaqytta alaıaqtyq jasaǵany úshin bas bostandyǵynan aıyrý oryndarynda jazasyn ótep jatqan 26 jastaǵy M. esimdi kúdiktini áshkereledi. Odan telefon men eki SIM-karta tabyldy. Ol qylmystyq áreketin moıyndady. QR QK-niń 190-baby boıynsha sotqa deıingi tergeý júrgizilip jatyr», - delingen habarlamada.

QAJD tyıym salynǵan zattardy ótkizý arnalaryn anyqtaý jáne jolyn kesý boıynsha belsendi jumys júrgizilip jatqanyn habarlady. Sonymen qatar, mekemeler ishindegi uıaly telefondardy tárkileý, uıaly baılanys arqyly arnaıy kontıngent jasaǵan qylmystardy ashý boıynsha jumystar júrgizilip jatyr.