Túrmede jatqan Pákistannyń eks-premeri Navaz Sharıf aýrýhanaǵa tústi
ASTANA. QazAqparat - Túrmede jatqan Pákistannyń eks-premeri Navaz Sharıf júrek aqaýy saldarynan eldegi medıtsına ǵylymy ınstıtýtyna (PIMS) jatqyzyldy, dep habarlaıdy Anadoly agenttigi.
PIMS ókili Vasım Havaja Sherıftiń aıtýynsha, saıasatkerdiń densaýlyǵy turaqty dep baǵalanyp otyr. Onyń qany quramyndaǵy qant kóbeıip ketkendigi tirkelgen.
PIMS kardtologııa bóliminiń bas dárigeri Naıma Malıkanyń sózine qaraǵanda, Sharıftiń qanynan patsıent ómirine qaýip tóndiretin mı tamyrlarynyń trombozy tabylǵan.
Pákistannyń burynǵy premer-mınıstri Navaz Sharıf pen onyń qyzy Ábý-Dabıden Lahorǵa ushyp kelgen kezde, áýejaıda ustalǵan bolatyn.
Budan buryn sot Sharıfti sybaılas jemqorlyqqa baılanysty syrttaı on jylǵa bas bostandyǵynan aıyrýǵa úkim shyǵarǵan edi. Buǵan qosa ol 2 mıllıon fýnt aıyppul tóleýi tıis.
Al eks-premerdiń qyzy Marıam Navaz jeti jylǵa sottaldy jáne 2 mıllıon aıyppul tóleýge sheshim shyǵarylǵan.
Eske sala ketsek, Navaz Sharıf tórt ret Pákistan úkimetiniń basshysy atandy. Sońǵysynda bul laýazymda 2013 jyly boldy.
